አፍሪካዊ የዩንቨርስቲ ጥገኝነት ጠያቂዎች በጃፓን ያለባቸው ችግር አፍሪካዊ የዩንቨርስቲ ጥገኝነት ጠያቂዎች በጃፓን ያለባቸው ችግር ጆሴፍ ይባላል (እውነተኛ ስሙ አይደለም።ለዚህ ዘገባ እንዲመች የወጣለት ስም ነው) ዛሬ ያለበት ቦታ ለመድረስ ብዙ መከራዎችን ተቋቁሟል። አሁንም በመንገዱ ላይ ትልቅ የቢሮክራሲያዊ መሰናክል አለበት። ይህ በእንዲህ እንዳለ በጃፓን የተመሰረተ መንግሥታዊ ያልሆነ ድርጅት በማቋቋም በትውልድ አገሩ የሕክምና አገልግሎትን በመስጠት ይደግፋል። የመጀመሪያ የጥገኝነት ጥያቄው ውድቅ ከተደረገ በኋላ ለሁለተኛ ጊዜ የስደተኛ ማመልከቻውን አቅርቦ ውጤት እየጠበቀ ነው የሚገኘው። ጆሴፍ እ.ኤ.አ. በ2018 ነበር ጃፓን የገባው።ከሀገሩ ሲነሳ ጃፓን ማንንም አያውቅም ነበር። በኪሱ ከ200 ዶላር ያነሰ ገንዘብ ይዞ ነው ከፍተኛውን ርቀት የተጓዘው። ጆሴፍ በካናጋዋ የሰው አገልግሎት ዩኒቨርሲቲ የጤና ፈጠራ ምረቃ ትምህርት ቤት ውስጥ የማስተርስ ዲግሪውን አግኝቷል። "ይህ ለእኔ አዲስ ጅምር ነው" ሲል በምረቃው ዝግጅቱ ላይ ተናግሯል። "በጣም ደስተኛ ነኝ ምክንያቱም ይህ ዲግሪን ማግኘቴ ለጃፓን ማህበረሰብና ለአለም ከፍተኛ አስተዋፅኦ ለማድረግ ያስችልኛል የሚል እምነት አለኝ።" ይላል። ኮርሱን የሚያጠናቅቁ ባለሙያዎች በጤና አጠባበቅና ደህንነት ላይ ዓለም አቀፍ ፈጠራዎችን እንዲያደርጉ ለመርዳት ታስቦ የተዘጋጀ ነው። እርጅና የተጫናቸው ማህበረሰቡ ያሉ አስቸኳይ ጉዳዮችን ለመቆጣጠር ተሳታፊዎች ከጃፓን ጋር በተያያዙ አካባቢዎች የምርምር ስራዎችን ያካሂዳሉ። ጆሴፍ እና ሌሎች ተማሪዎች በመጋቢት ወር (Kanagawa University of Human Services University of Health Innovation) በተመረቁበት ቀን ከፍተኛ ደስታ ቢሰማቸውም የጆሴፍ ሁኔታ ግን ከተመራቂዎቹ ለየት ያለ ነበር።ምክንያቱም ገና የጥገኝነት ወይም የመኖሪያ ፍቃዱን ማግኘት አልቻለም። ጆሴፍ የተወለደው በኮንጎ ዲሞክራቲክ ሪፐብሊክ ምስራቃዊ ክፍል ሲሆን ይህ አካባቢ በታጣቂ ቡድኖች በሚፈጽሙት አሰቃቂ ግፍ ይታወቃል። ከብዙ ልጆች መካከል ታላቅ የሆነው ጆሴፍ ወደ ህክምና ትምህርት ቤት በመሄድ ከዩኒቨርሲቲው በዶክትሬት ተመርቋል። ስለ ቀጣይነት ያለው የደህንነት እጦትና የመንግስት ፖሊሲዎች ውጤታማ ያልሆኑ ፖሊሲዎች በ 2013 በመቶዎች የሚቆጠሩ አባላት ያሉት የፖለቲካ ቡድን እንዲመሰርት አነሳሳው። ጆሴፍ የህዝብ መኮንን ሆኖ ሥራ ተቀጠረ። ወደ ዋና ከተማዋ ኪንሻሳ መዘዋወር አስፈለገው። በዚህም ሚስት አግብቶ ልጅ ወልዶ የፖለቲካ እንቅስቃሴውን ቀጠለ። ነገር ግን የትውልዱ ወጣት የፖለቲካ አክቲቪስቶች መጥፋት ጀመሩ። ጆሴፍ የሚያስፈራሩ የስልክ ጥሪዎችን መቀበል ጀመረ። የመንግስት ፖሊሶች በሁለት አጋጣሚዎች ወደ ቤቱ ያንኳኳሉ። ጆሴፍ በቁጥጥር ስር ዋለ። ወደ ጃፓን የሚደረግ ጉዞ ሚስቱንና ልጁን ጥሎ ለመሸሽ ኦፊሴላዊ ፓስፖርቱን ተጠቅሟል። ደህንነቱ የተጠበቀና ከሌሎች መዳረሻዎች ያነሰ በአፍሪካውያን ላይ አድሎአዊ የሆነች ሀገር የሆነችውን የትውልድ ሀገሩን ኮንጎን ትቶ ወደ ጃፓን ትኬት ቆርጦ ተጓዘ። ጆሴፍ ሰኔ 2018 እ. ኤ. አ. ደረሰ። ጃፓንኛም ሆነ እንግሊዘኛ ቋንቋ አልተናገረም። ባረፈ በማግስቱ በቶኪዮ በሚገኘው የጃፓን የስደተኞች ማህበር (JAR) እርዳታ የስደተኛነት ፍቃድ እንዲሰጠው ለጃፓን ኢሚግሬሽን አመልከተ። ገንዘቡ እያለቀ ሲሄድ፣ ፈጣን ምግብ በሚዘጋጅ ምግብ ቤት ውስጥ ማደር ጀመረ። በዕለቱ ከማኅበሩ ጽ/ቤት ጥግ ላይ ተኝቷል። ጆሴፍ ከካቶሊክ ቶኪዮ ዓለም አቀፍ ማእከል (ሲቲሲ) ምግብና ልብስም ተቀብሏል። በስደተኛ ማመልከቻው ላይ ውጤቱን በመጠባበቅ ላይ ሳለ፣ ጃፓንኛ መናገር መማሩ አስፈላጊ መሆኑን ወሰነ። በሲቲሲ (CTIC) ተመዝግቦ የማታ ትምህርት ጀመረ። "ትንሽ ተኝቼ ነበርና በጃፓን ከሚገኙ ሌሎች ኮንጎዎች ጋር 'ትምህርት ቤት መሄድ ምንም ፋይዳ እንደሌለው ተገነዘብኩ ።ተጨማሪ ገንዘብ ማግኘት እንዳለብኝ አወኩ ። 'በግንባታ ቦታዎች ላይ እንድትሰራ ላስተዋውቅህ እችላለሁ' የሚል መልእክት ከብዙ ኮንጎዎች ይደርሰኝ ነበር። ነገር ግን የጃፓንኛ ቋንቋ ክፍሌን አላቋረጥኩም።" ይላል። ጃፓንኛን ለመለማመድ CITCን ከጎበኙ የዩኒቨርሲቲ ተማሪዎች ጋር ጓደኛ ሆንኩኝ። ለስምንት ወራት በኖርኩበት በማዕከላዊ ቶኪዮ የተወሰነ የጋራ መኖሪያ ቤት መኖር ጀመርኩ። ተማሪዎቹ ጥገኝነት ጠያቂዎች ከህብረተሰቡ ጋር የበለጠ ግንኙነት እንዲኖራቸው የሚረዳ ቡድን WELGEE በተባለ ማህበር ውስጥ ንቁ ተሳታፊ ነበርኩ። ጆሴፍ ታሪኩን ማካፈሉን ቀጠለ። ጆሴፍ ልምዱን በWELgee ዝግጅት ላይ በሰፊው በወቅቱ ተናግሯል። የእርዳታ እጅ በWELgee በኩል፣ ጆሴፍ በስልጠና ዶክተር ከሆነው የካናጋዋ ግዛት ምክትል አስተዳዳሪ ከሆኑት ከሹቶ ኬንጂ ጋር ተዋወቀ። ሹቶ ቀደም ሲል በአፍሪካ ውስጥ በህክምና ዶክተርነት ለመስራት ህልም ነበረው እናም በጆሴፍ ጽናት ተደንቆ ነበር። የጃፓን የሕክምና ፈቃድ ከሌለክ ጆሴፍ በጃፓን ውስጥ ልምምድ ማድረግ እንደማይችል ተነገረው።ለተጨማሪ ትምህርትና የጃፓን የህክምና እንቅስቃሴዎችን በአፍሪካ ለመደገፍ ስላለው ፍላጎት ለሹቶ ነገረው። ሹቶ ሀሳቡን በደስታ ተቀበለው ። ሹቶ ጆሴፍን በማህበሩ ውስጥ አብሮት እንዲሰራ ወሰደው "በእሱ በኩል የወጣትነቴን ህልም አስታወስከኝ ነገር ግን ምን ያህል ጥልቅ ስሜት ና አሳቢነት እንዳለ ስታይ ትደስታለክ።ምንም እንኳ ያጋጠሙኝ ችግሮች ቢኖሩም ሁሉም ሰው ሊደግፈው የሚፈልግ ይመስለኛል ።" በማለት ይገልጻል።
ሹቶ ጆሴፍን ከጤና ኢንኖቬሽን ትምህርት ቤት ጋር አስተዋወቀው ።ክፍያውን ለመሸፈን እንዲረዳው ደመወዙን አሳደገለት። ትምህርት ቤቱ ለትምህርት ደረጃ በደረጃ የሚከፈለውን ክፍያ ተቀበለ ። ሹቶ ለጆሴፍ በካማኩራ ከተማ በሚገኝ ትልቅ ሆስፒታል ውስጥ የውጭ ታካሚዎችን በመርዳት እንዲሰራ ሥራ አገኘለት። ጆሴፍ "ከጉልበት ሥራ ሙሉ በሙሉ ካለመተማመን ነፃ ያደረገኝ ትልቅ ለውጥ ነበር" ብሏል። "የጃፓን መንግስት እንደ ስደተኛ ያቀረብኩትን ጥያቄ መቼ እንደሚመልስልኝ አላውቅም ።ውጤቱን ለመቀበል በጣም ከባድ ነው። ግን ቢያንስ በጃፓን ትምህርቴን እንደጨረስኩ አውቃለሁ።" ይላል። እሱ በሚያውቀው የቀድሞ የሲቲሲ ዳይሬክተር አመራር ስር በተከፈተው በአቅራቢያው በሚገኘው አርሩፔ የስደተኞች ማእከል የመኖሪያ ቤትም ማግኘት ችሏል። አሁንም የስደተኝነቱን ሁኔታ ለመወሰን እየጠበቀ ይገኛል።በየስድስት ወሩ ጊዜያዊ ቪዛውን ማደስ ግዴታ አለበት።ጆሴፍ ትምህርቱን፣ ሥራውንና ማረፊያውን ማግኘት ቻሏል። ቀን ሰርቶ ማታ ትምህርቱን ያጠና ነበር። በጃፓን እና በኮንጎ መካከል ድልድይ መገንባት በሥራ ላይ፣ በአፍሪካ ውስጥ የሕክምና አገልግሎት ለመስጠት የጆሴፍን ፍላጎት የሚጋራው ሥራ አስኪያጅ ኤቢሳዋ ኬንታ አነጋግሮታል። ጓደኛሞች ሆኑ በ2021 እ .ኤ. አ አብረው የጃፓን ባለሙያዎችን ከዶክተሮችና ዩኒቨርሲቲዎች ጋር የሚያገናኝ ለትርፍ ያልተቋቋመ ድርጅት ፈጠሩ። ቡድኑ የተለያዩ ኮንፈረንስ በማዘጋጀትና የጤና ስርዓትን በመጠቀም ለኮንጎ ተማሪዎችና ባለሙያዎች ትምህርት ይሰጣል። በአሁኑ ጊዜ ሳምንታዊ ትምህርቶች አሉ። ድርጅቱ አዲስ ሆኖ በኮንጎ ለሚገኙ ተማሪዎች ኮምፒውተርና የኢንተርኔት አገልግሎት ለመስጠት የሚያስፈልገውን ገንዘብ ለማግኘት እየታገለ ነው። ጆሴፍ ግን በተስፋ የተሞላ ነው። ከንግግሮቹ ጎን ለጎን በየ ሳምንቱ ዓርብ ምሽት ከኮንጎ ተማሪዎች ጋር ስለ ጉብኝቶቻቸውና ወደፊት ስለሚመጣው ነገር ለመወያየት የኦን ላይን ስብሰባዎች አሉት፡ "በጣም ብዙ ጉልበት አለ። ከእነዚህ ተማሪዎች የተወሰኑትን በጃፓን እንዲማሩ ማድረግ እፈልጋለሁ።" ብሏል። "ጆሴፍ ህልሙን ለማሳካትና በጉዞው ደስተኛ እንደሚሆን ደመ ነፍሴ ይነግረኛል።''ይላል። ''በእርግጥም ይህ እውነተኛ ስሜቱ ነው" ሲል ሹቶ በበኩሉ ይናገራል። ኤቢሳዋ ኬንታና ጆሴፍ በኮንጎ ውስጥ ለህክምና ተማሪዎችና ባለሙያዎች በኦንላይን ትምህርት በየሳምንቱ ይሰጣሉ። ቢሮክራሲያዊ ሁኔታ ይህ በእንዲህ እንዳለ ጆሴፍ በይፋ ተቀባይነት ለማግኘት በትዕግስት እየጠበቀ ነው። ጊዜያዊ ቪዛውን ለማደስ ቀጣይነት ያለው ማመልከቻ ማቅረብ ነበረበት። "ሁልጊዜ የማሳደሻ ጊዜው በተቃረበና የመኖሪያ ፍቃዱ በሚያልቅበት ወቅት መጥፎ ስሜት ይሰማሀል።አዎንታዊ ህይወት መኖር የምጀምረው መቼ ነው ብዬ እጨነቃለህ" ይላል። በታህሳስ 2020 የጆሴፍ የመጀመሪያ የስደተኛ ማመልከቻ ውድቅ ተደርጓል። ይህም ለእሱና ለደጋፊዎቹ አስደንጋጭ ዜና ነበር። ኤቢሳዋና ባልደረቦቹ ለመርዳት ተጣደፉ በጃፓን ስላለው ዝቅተኛ የ 0.5% የስደተኞች ተቀባይነት የሚገኝበት ሀገር መሆኑን በማወቁ ተገረሟል። ቪዛው ካልታደሰ ጆሴፍ ሊታሰር ይችላል የሚል ስጋትም ነበራቸው። በአሰሪውና በWELgee የህግ ባለሙያ በመታገዝ፣ ጆሴፍ ለመደበኛ የአንድ አመት የስራ ቪዛ እንደ ኢንጂነር/በሰብአዊነት/አለምአቀፍ አገልግሎቶች ልዩ ባለሙያተኛ በሚል ሁኔታ እንዲያመለክት ተደረገ ። ይህ ውስብስብ ሂደት ነበር ነገር ግን በመጨረሻ ቪዛው ባለፈው አመት ተሰጠው። ጆሴፍ "በኢሚግሬሽን ቢሮ ውስጥ ያለማቋረጥ እየኖርኩ እንደሆነ ይሰማኛል። ስለዚህ አሁን እፎይታ ተሰምቶኛል።" በማለት በሥራ የአንድ አመት ቪዛ በማግኘቱ ተረጋግቷል።ይሁንና አሁንም እሱ ስደተኛ እንደሆነና እንደ አንድ ስደተኛ ግለሰብ ጥገኝነት በሀገሪቱ ማግኘት ይፈልጋል።ለዚህም ደግሞ ለሁለተኛ ጊዜ የስደተኛ ማመልከቻውን አስገብቶ ውጤቱንም እየጠበቀ ነው። ጆሴፍ አሁን በWELgee በኩል ለሌሎች ጥገኝነት ጠያቂዎች ምክር ይሰጣል። "በጃፓን ማህበረሰብ ውስጥ ሁሉም ነገር የተገናኘ ነው" ይላል። "በጥረት፣ ህጎቹን በማክበርና ከሰዎች ጋር በመተባበር ዙሪያ ከህብረተሰቡ ጋር ሊገናኙ እንደሚችሉ አምናለሁ።" በማለት ይገልጻል። ጆሴፍ አሁንም ለአራት ዓመታት ከተለያያቸው ከሚስቱና ከልጁ ጋር የሚገናኝበትን መንገድ እየፈለገ ነው። የቢሮክራሲው ሂደት አመታትን ሊወስድ ይችላል የሚል እምነት አለው።ይህም ማለት ልጁ አድጎ ማየት ይችላል። ያ የልብ ህመም ሊያመጣ ይችላል። በጃፓንና በኮንጎ የሕክምና ስርዓት መካከል ድልድይ ሲገነባ ሁሉም ነገር ጥሩ ይሆናል።ግንኙነቶችን በመፍጠርና ድጋፍን በማድረግ መተግበር ይቻላል ። '' በማለት ተናግሯል። በዲሞክራቲክ ሪፐብሊክ ኮንጎ ለቤተሰቦቹ ደኅንነት በመፍራቱ ኤንኤችኬ NHK የጆሴፍን ትክክለኛ ስም አልገለፀም ።የዘገበው ሮድሪግ ማይላርድ ነው። |